من عجائب الدنيا اللي مش في السبع

من عجائب الدنيا الجديدة هي تحول الجماد الي ادمي . فبعد فترة من السكون التي ظن البعض معها ان الرئيس جماد وليس (؟؟؟؟؟)-محذوفة لان صفحات المدونة ليها ودان وبعدين ماهي معروفة انسان طبعا-اذا به فجاءة يتحول الى اسد ليقولها وهو فير مبالي لأي شيء ان ليفني قد تجاوزت الخطوط البنفسجي بل ويقول ان من يدعي ان مصرلاتراقب الحدود وتمنع تهريب الاسلحة فهو كذاب وان ماكنش عجبكوا شغلنا ورونا جمال خطوتكوا.مش عوايدك ياريس ولا كنت واخد ساعت الحوار ده حبتين شجاعة من بتاعة مول الاخلاق الحميدةعلي الله متغلطش وتروح بدل متاخد حبتين كمان تغلط وتاخد كيس مليان حبوب بس حبوب ندالة .ولا يكنش ماما سوزي بتغير عليك وزعلانة منك اليومان اللي فاتو دول فحبيت تقولها انك مبيهمكش صنف الحريم ده خالص حتي وان كانت وزيرة خارجية ويهودية . مش عارف بضبط احلل الي حصل بس المؤكد ان بعد كام يوم كدة هتلاقي الاحضان والقبلات وموائد الغداء وعشاء العمل وطبعا هيتم تفسير الخطوط الحمراء علي انه نوع من العتاب بين اخوين وانه لاحب الا مابعد عداوة ورب كلمة طلعت غلط كانت نافعة وحكم السن . علي العموم انا ضد الكلام اللي تقال ده كله ودية تخمينات وكلها غلط وده نوع من توقيف اليهود عند حدهم بعد مبداؤ يشتغلوا الريس علي الوتر بتاع الحدود ويكرروا الكلام في اكثر من مرة ومناسبة لتبرير ماسوف يقومون به بعد فترة من نشر مكثف لجنودهم علي الحدود او ربما اكثر من ذلك. اذا العملية ليست كلمة ورد عليها بل تخطيط للأمام اسأل الله ان يديم حبوب الشجاعة لدي الرئيس وان لاتخلص مع اول تلويح بالمعونة او بسبوبة معينة هم أعلم بها وسلام.ء