سمعتوا قصة مردخاي؟
من زمان قالوا لأخوكم مردخاي
"مردخاي هذا زمانك جاي"
شفت ها الخوان قاتلهم ..
خذ أرضهم ..
اهدم منازل بعضهم .. و شرّدهم
غيّر معالم أرضهم ..
و اطمس ملامحهم ..
فرّقهم و تصير سيّدهم
و امسك بتلمودك ودينك ..
و بعّثر مبادئهم
و بعد ما تزرع بذور الحقد فيما بينهم ..
وتحصد مشاعرهم
قد ما تقدر حيّد أكبرهم ..
ردّ له كامل حقوقه
واعزف على أوتار فرقتهم
و اضرب أغناهم بأفقرهم
حاربهم بهم ..
و اشعل معاركهم
وبعد ما يستنزفوا قوة بعض
خذ ما بقى منهم ..
وفاوضهم
فاوضهم على الفتات
و إذا عطوك حقّ الفتات ..
رجّع لهم ربعه
و سالمهم
هاذي قصة مردخاي
سيّد الزمان الجاي
عاجبكم ؟
